ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅՈՒՆ (Անձնական տվյալների մշակման և պաշտպանության մասին ծանուցում)
PERI-ի բիզնես գործընկերների, ինչպես նաև վեբ-կայքի և սոցիալական ցանցերի էջերի այցելուների համար
Վերջին թարմացման ամսաթիվը՝ 21.10.2026
PERI ՍՊԸ-ն (այսուհետ՝ «PERI», «մենք» կամ «մեզ») հարգանքով է վերավերվում Ձեր անձնական կյանքի անձեռնմխելիությանը։ Թափանցիկության ապահովման նպատակով մենք պատրաստել ենք սույն Անձնական տվյալների մշակման և պաշտպանության մասին ծանուցումը (այսուհետ՝ «Ծանուցում»), պարզաբանելու համար, թե ինչպես ենք մենք հավաքագրում, օգտագործում, տրամադրում, պաշտպանում, պահպանում և փոխանցում Ձեր անձնական տվյալները։ Խնդրում ենք Ձեզ մանրամասն ծանոթանալ սույն Ծանուցման բովանդակությանը։ Ցանկացած հարցի դեպքում Դուք կարող եք կապ հաստատել մեզ հետ՝ ստորև նշված կոնտակտային տվյալներով։
Սույն Ծանուցումը տարածվում է պոտենցիալ և գործող հաճախորդների, մատակարարների, այլ բիզնես գործընկերների, ինչպես նաև մեր վեբ-կայքի և սոցիալական ցանցերի էջերի այցելուների հետ PERI-ի փոխգործակցության վրա։ Ծանուցումը չի սահմանափակվում վեբ-կայքում տվյալների մշակմամբ. այն ընդգրկում է արտաքին փոխգործակցության բոլոր ձեւերը, ներառյալ՝ գործարար նամակագրությունը, պայմանագրերի կնքումն ու կատարումը, պատվերների մշակումն ու կատարումը, ինչպես նաև միջոցառումների կազմակերպումն ու դրանցում ներգրավվածությունը։
1. Անձնական տվյալների օպերատոր, լեզու և եզրույթներ
1.1. «Անձնական տվյալների պաշտպանության մասին» Հայաստանի Հանրապետության օրենքի (ՀՕ-49-Ն, 2015 թվականի մայիսի 18) համաձայն՝ անձնական տվյալների մշակող է հանդիսանում՝
PERI LLC
Իրավաբանական հասցե՝ Երևան, Արցախի պողոտա, 3-րդ նրբանցք 4/3
Էլ. փոստ՝ market@peri.com.am
Վեբ-կայք՝ www.peri.com.am
Հեռախոս՝ +37498900997
Խմբի կոնտակտային տվյալները՝
Group Legal | Compliance | IPM
Rudolf-Diesel-Strasse 19, 89264 Weissenhorn, Germany
data.protection@peri.com
Վերահսկիչ մարմին՝
Հայաստանի Հանրապետության արդարադատության նախարարության Անձնական տվյալների պաշտպանության գործակալություն
https://pdpa.am
1.2. Հրապարակման իրավական հիմքը և լեզուն։
Սույն Քաղաքականությունը մշակվել է «Անձնական տվյալների պաշտպանության մասին» Հայաստանի Հանրապետության օրենքին և Հայաստանի Հանրապետության այլ նորմատիվային իրավական ակտերին համապատասխան։ Հայաստանի Հանրապետության Սահմանադրության, «Լեզվի մասին» Հայաստանի Հանրապետության Օրենքի և «Սպառողների իրավունքների պաշտպանության մասին» Հայաստանի Հանրապետության Օրենքի պահանջներին համապատասխան՝ սույն Քաղաքականությունը հրապարակվում է հայերեն լեզվով։ Ռուսերենով տարբերակը տրամադրվում է բացառապես հարմարավետության համար և անհամապատասխանությունների դեպքում չունի իրավաբանական ուժ։
1.3. Եզրույթներ և սահմանումներ։
Սույն Քաղաքականության նպատակների համար «Օրենք» եզրույթը կիրառվում է «Անձնական տվյալների պաշտպանության մասին» Հայաստանի Հանրապետության Օրենքը (ՀՕ-49-Ն, 18.05.2015 թ.) մատնանշելու նպատակով՝ հաշվի առնելով գործող բոլոր փոփոխություններն ու լրացումները, ներառյալ՝ 2025 թվականի օրենսդրական բարեփոխումների փաթեթը, որով նախատեսում է անձնական տվյալների պաշտպանության անկախ մարմնի ստեղծում, մշակման իրավական հիմքերի հստակեցում և կիբերանվտանգության մասին նոր Օրենքի ընդունում։ Սույն Քաղաքականության տեքստում Օրենքի հոդվածներին կատարված բոլոր հղումները պետք է հասկանալ որպես հղումներ նշված Օրենքի համապատասխան հոդվածներին, եթե համատեքստից ուղղակիորեն այլ բան չի բխում։
2. Անձնական տվյալների մշակման սկզբունքները
Անձնական տվյալների մշակումն իրականացվում է հետևյալ սկզբունքներին համապատասխան (Օրենքի 4-րդ հոդված)։
Օրինականություն․ անձնական տվյալները մշակվում են օրինական հիմքերով, բարեխղճորեն և թափանցիկ։
Համաչափություն․ մշակվող տվյալների ծավալը համաչափ է մշակման հայտարարված նպատակներին։
Հավաստիություն․ մշակվող տվյալները ճշգրիտ են և անհրաժեշտության դեպքում թարմացվում են:
Սուբյեկտների նվազագույն ներգրավվածություն․ մշակումն իրականացվում է այնպես, որ նվազագույնս շոշափվեն անձնական տվյալների սուբյեկտների շահերը:
Նպատակային սահմանափակում․ անձնական տվյալները հավաքագրվում են հստակ, որոշակի և օրինական նպատակներով և հետագայում չեն մշակվում այդ նպատակների հետ անհամատեղելի եղանակով:
Պահպանման սահմանափակում․ տվյալները պահպանվում են ոչ ավելի, քան անհրաժեշտ է մշակման նպատակներին հասնելու համար:
3. Մշակվող անձնական տվյալների կատեգորիաներ
Մշակվող անձնական տվյալների կազմը կախված է մեզ հետ Ձեր փոխգործակցության բնույթից և Ձեր կողմից օգտագործվող ծառայություններից: Մենք մշակում ենք անձնական տվյալների հետևյալ կատեգորիաները.
3.1. Նույնականացման տվյալներ
Ազգանուն, անուն, հայրանուն; ծննդյան ամսաթիվ և վայր; սեռ; քաղաքացիություն; անձը հաստատող փաստաթղթի վավերապայմաններ:
3.2. Կոնտակտային տվյալներ
Բնակության/հաշվառման հասցե; հեռախոսահամար; էլ. փոստի հասցե; փոստային հասցե; ֆաքսի համար; կապի նախընտրելի միջոցներ:
3.3. Մասնագիտական տվյալներ
Պաշտոն; աշխատանքի վայր; մասնագիտական որակավորում; աշխատանքային փորձ; տեղեկություններ կրթության մասին; կազմակերպության անվանում; կազմակերպության գրանցման տվյալներ:
3.4. Ֆինանսական տվյալներ
Բանկային վավերապայմաններ; տեղեկություններ աշխատավարձի և այլ վճարումների մասին; հարկային նույնացուցիչներ (իդենտիֆիկատորներ):
3.5. ՏՏ համակարգերի օգտագործման վերաբերյալ տվյալներ
IP հասցե; հասանելիության մատյանների տվյալներ; սարքերի նույնացուցիչներ; կորպորատիվ համակարգերի օգտագործման մասին տեղեկություններ; օգտատիրոջ օգտահաշվի տվյալներ (օգտահաշվի անուն, օգտատիրոջ ID-ն, իսկորոշման (աուտենտիֆիկացման) տվյալներ, օգտատիրոջ կարգավորումներ, պրոֆիլ և գործողությունների մատյաններ)։
3.6. Տեսալսողական տվյալներ
Լուսանկարներ; տեսահսկման տեսագրություններ; հեռախոսային խոսակցությունների ձայնագրություններ (իրավական հիմքերի առկայության դեպքում):
3.7. Պայմանագրային հարաբերությունների հետ կապված տվյալներ
Պայմանագրերի բովանդակություն; պատվերների պատմություն; նամակագրություն; պահանջներ և բողոքներ; տեղեկություններ առևտրային առաջարկների, ապրանքների և ծառայությունների, վճարների, առաքման պայմանների և հասցեների, կնքված պայմանագրերի և հաշվարկային փաստաթղթերի վերաբերյալ:
3.8. Սոցիալական ցանցերի տվյալներ
Սոցիալական ցանցերում օգտահաշիվների անուններ և պրոֆիլներ, հրապարակումներ, մեկնաբանություններ և սոցիալական ցանցերում մեր օգտահաշիվների հետ փոխգործակցության այլ ձեւեր:
3.9. Միջոցառումներին մասնակցության տվյալներ
Տեղեկություններ ցուցահանդեսներին, դասընթացներին, ինչպես նաև այլ առցանց (օնլայն) և անցանց (օֆլայն) միջոցառումներին մասնակցության վերաբերյալ, ներառյալ՝ գրանցման տվյալները, նախապատվությունները, կարծիքները և ուղեւորության ու կացության կազմակերպման համար անհրաժեշտ տվյալները:
Մենք կարող ենք Ձեր մասին տեղեկություններ ստանալ հանրամատչելի և կոմերցիոն տեսանկյունից հասանելի աղբյուրներից կամ երրորդ անձանց ծառայությունների միջոցով՝ օրենսդրությամբ թույլատրելի ծավալով։ Նման աղբյուրներին են վերաբերում, մասնավորապես, սոցիալական ցանցերի հարթակները, կորպորատիվ տեղեկատվության տվյալների բազաները, մրցութային փաստաթղթերը, հանրային գրանցամատյանները, ինչպես նաև PERI խմբի այլ ընկերությունները։
Հանրամատչելի անձնական տվյալների ռեժիմ
Օրենքի 9-րդ հոդվածի համաձայն՝ հանրամատչելի անձնական տվյալները ներառում են՝ անձի ազգանունը և անունը, ծննդյան ամսաթիվը և վայրը, մահվան ամսաթիվը և վայրը, ինչպես նաև այն տվյալները, որոնք սուբյեկտի գիտակցված գործողությունների կատարմամբ հանրամատչելի են դարձրել։ Հանրամատչելի աղբյուրներից տվյալների մշակումը օրինական է, եթե տվյալները հրապարակվել են օրինական ճանապարհով։
4. Մշակման նպատակներն ու իրավական հիմքերը
4.1. Մշակման իրավական հիմքերը (Օրենքի 5-րդ հոդված)
Անձնական տվյալների մշակումն օրինական է հետևյալ պայմաններից առնվազն մեկի առկայության դեպքում՝
Անձնական տվյալների սուբյեկտը տվել է իր համաձայնությունը մշակման համար։
Տվյալները ներառված են մշակողին հասցեագրված փաստաթղթում։
Մշակողի և սուբյեկտի միջև կնքված է պայմանագիր, և մշակումն անհրաժեշտ է դրա կատարման համար։
Տվյալները սուբյեկտի կողմից փոխանցվել են կամավոր՝ բանավոր ձեւով։
Մշակումն ուղղակիորեն նախատեսված է օրենքով։
Տվյալները ստացվել են հանրամատչելի աղբյուրներից։
Կարևոր է. համաձայնությունը համարվում է տրամադրված, մասնավորապես, եթե Ձեր անձնական տվյալները նշված են Ձեր կողմից ստորագրված և մեզ հասցեագրված փաստաթղթում, եթե մենք տվյալները ստացել ենք Ձեզ հետ կնքված պայմանագրի հիման վրա և դրանք օգտագործում ենք նշված պայմանագրով նախատեսված գործողությունների համար, կամ եթե Դուք կամավոր կերպով հայտնել եք մեզ Ձեր տվյալները համապատասխան օգտագործման համար։
4.2. Ձեր համաձայնությամբ իրականացվող մշակումը, այդ թվում՝ պայմանագրային հարաբերությունների շրջանակներում
Պայմանագրերի կատարում և պատվերների մշակում. կոնտակտային և կորպորատիվ տվյալները, գործարքների վերաբերյալ տվյալները և օգտատիրոջ օգտահաշվի տվյալները մշակվում են պայմանագրերի կնքման և կատարման, կոնտրագենտի ստուգման, հաշիվների դուրսգրման և հաշվապահական հաշվառման վարման, ապրանքների մատակարարման և ծառայությունների մատուցման, ինչպես նաև հաճախորդների աջակցության նպատակով:
Հաշվի վարում. օգտատիրոջ օգտահաշվի տվյալները մշակվում են այն ստեղծելու և սպասարկելու, այդ թվում՝ մեր ծառայություններին հասանելիություն տրամադրելու նպատակով: Միասնական մուտքի տեխնոլոգիայի օգտագործման դեպքում (օրինակ՝ Microsoft-ի կամ Google-ի միջոցով) Ձեր իսկորոշման տվյալները մնում են համապատասխան մատակարարի մոտ և մեզ չեն փոխանցվում:
Գրանցում միջոցառումներին․ կոնտակտային, կորպորատիվ և միջոցառումներին մասնակցության վերաբերյալ տվյալները մշակվում են Ձեր հայտերի մշակման, միջոցառումներին գրանցման, մասնակցության պայմանների կատարման, ինչպես նաև միջոցառման հետ կապված մրցույթների ու ակցիաների անցկացման նպատակով:
Հաճախորդների աջակցություն. կոնտակտային և կորպորատիվ տվյալները, գործարքների վերաբերյալ տվյալները, օգտատիրոջ հաշվի տվյալները, սոցիալական ցանցերի տվյալները և միջոցառումներին մասնակցության տվյալները մշակվում են մեր ապրանքներին, ծառայություններին և միջոցառումներին առնչվող Ձեր հարցումների դիտարկման նպատակով:
Տեխնիկական շահագործում և անվտանգության ապահովում. օգտատիրոջ հաշվի տվյալները, կայքի օգտագործման վերաբերյալ տվյալները և տեխնիկական տվյալները մշակվում են մեր ծառայությունների տեխնիկական սպասարկման, անվտանգության ապահովման և անխափան գործունեության նպատակով:
Հաճախորդների փորձի կատարելագործում և գործունեության վերլուծություն. կոնտակտային և կորպորատիվ տվյալները, գործարքների վերաբերյալ տվյալները, օգտատիրոջ օգտահաշվի տվյալները, կայքի օգտագործման տվյալները և տեխնիկական տվյալները, սոցիալական մեդիայի տվյալները և միջոցառումներին մասնակցության մասին տվյալները մշակվում են գործունեության վերլուծության, ռիսկերի կառավարման, ներքին ուսուցման և վիճակագրական հաշվետվությունների պատրաստման նպատակով: Հաշվի առնելով համաչափության սկզբունքը՝ նման մշակումն, հնարավորության դեպքում, իրականացվում է ապանձնավորված կամ կեղծանվանված ձեւով։
Եթե Դուք առարկում եք նշված անձնական տվյալների մշակմանը կամ սահմանափակում եք այն, ապա համապատասխան ծառայությունների մատուցումը կամ պայմանագրի ամբողջական կամ մասնակի կատարումը կարող է անհնարին դառնալ:
4.3. Մշակում առանձին համաձայնության հիման վրա
Դուք իրավունք ունեք ցանկացած ժամանակ հետ կանչել Ձեր համաձայնությունը: Համաձայնության հետկանչումը չի անդրադառնում մինչ այդ իրականացված տվյալների մշակման օրինականության վրա: Մենք մշակում ենք անձնական տվյալները առանձին համաձայնության հիման վրա հետևյալ նպատակներով.
Մարքեթինգային և գովազդային միջոցառումներ․ կոնտակտային, կորպորատիվ, սոցիալական մեդիայի տվյալները և Ձեր պատկերը մշակվում են մարքեթինգային և գովազդային միջոցառումներ իրականացնելու նպատակով, ներառյալ՝ միջոցառումների ժամանակ իրականացվող խմբակային լուսա- և տեսանկարահանումները, ապրանքների, ծառայությունների և միջոցառումների վերաբերյալ տեղեկությունների ուղարկումը, կարծիքների հավաքագրումը, տպագիր նյութերի ուղարկումը, ինչպես նաև հրապարակումները և փոխգործակցությունը Ձեզ հետ սոցիալական ցանցերում և վեբ-կայքերում։
Ուղղակի մարքենթինգ. կոնտակտային և կորպորատիվ տվյալները մշակվում են տեղեկատվական հաղորդագրությունների ուղարկման և գոհունակության վերաբերյալ հարցումների իրականացման նպատակով։ Համաձայնությունը կարող է հետ կանչվել ցանկացած պահի մեր հաղորդագրություններում «բաժանորդագրությունից հրաժարվել» հղումով, կամ դիմելով 1-ին բաժնում նշված կոնտակտային տվյալներով:
Պատկերի կոմերցիոն օգտագործում. Խոշոր պլանով Ձեր պատկերների նկարահանում և տեղադրում մեր սոցիալական ցանցերի օգտահաշիվներում, վեբ-կայքերում և այլ նյութերում՝ բրենդի հաղորդակցման և հաջողության պատմությունների տարածման նպատակով։ Համաձայնությունը կարելի է հետ կանչել Ձեր կողմից ստորագրված համաձայնության ձեւում նշված պայմաններին համապատասխան՝ դիմելով PERI-ում Ձեր կոնտակտային անձին:
Ֆունկցիոնալ և մարքեթինգային թխուկներ (cookie ֆայլեր)․ վեբ-կայքի օգտագործման վերաբերյալ տվյալները և տեխնիկական տվյալները մշակվում են սույն Ծանուցման 5-րդ բաժնում նշված ծավալով:
4.4. Մշակում առանց համաձայնության
Մենք մշակում ենք անձնական տվյալները առանց Ձեր համաձայնության Հայաստանի Հանրապետության օրենսդրությամբ ուղղակիորեն նախատեսված դեպքերում, այդ թվում՝ հարկային և հաշվապահական հաշվառման օրենսդրության պահանջների պահպանման, անձնական տվյալների սուբյեկտների դիմումների դիտարկման, մեր իրավունքների և օրինական շահերի իրականացման ու պաշտպանության համար։
Մենք իրավունք ունենք մշակել նաև հանրամատչելի աղբյուրներից ստացված անձնական տվյալները։ Տեխնիկապես անհրաժեշտ թխուկները մշակվում են առցանց ռեսուրսի գործառնության համար անհրաժեշտ ծավալով՝ սույն Ծանուցման 5-րդ բաժնին համապատասխան:
5. Մինչև համաձայնություն ստանալը տրամադրվող տեղեկատվությունը
Օրենքի 8-րդ հոդվածի համաձայն՝ մինչև համաձայնություն ստանալը անձնական տվյալների սուբյեկտին տրամադրվում է հետևյալ տեղեկատվությունը.
Անձնական տվյալների մշակման իրավական հիմքերը։
Անձնական տվյալների մշակման նպատակը։
Մշակվող անձնական տվյալների ցանկը։
Անձնական տվյալների հետ կատարվող գործառնությունների ցանկը։
Այն անձանց շրջանակը, որոնց տվյալները կարող են փոխանցվել (կամ այդպիսի անձանց կատեգորիաները)։
Անձնական տվյալների մշակողի անվանումը և հասցեն։
Անձնական տվյալների ուղղման և ոչնչացման կարգը։
Համաձայնության գործողության ժամկետը։
Համաձայնությունը հետ կանչելու հետևանքները։
6. Անձնական տվյալների մշակման համաձայնություն
Անձնական տվյալների սուբյեկտի համաձայնությունը մշակման համար կարող է տրվել՝
Գրավոր ձեւով (ձեռագիր ստորագրություն)։
Էլեկտրոնային եղանակով՝ էլեկտրոնային ստորագրության կամ նույնականացման այլ հուսալի եղանակի կիրառմամբ։
Բանավոր՝ արժանահավատ հաստատման առկայության դեպքում (ձայնագրություն, վկաների ցուցմունքներ):
Համաձայնությունը կարող է տրվել ներկայացուցչի միջոցով՝ համապատասխան լիազորություններով օժտված լիազորագրի հիման վրա:
Անչափահասների և անգործունակների համաձայնությունը
16 տարին չլրացած, ինչպես նաև անգործունակ ճանաչված անձանց համար համաձայնությունը տրվում է նրանց օրինական ներկայացուցիչների (ծնողներ, որդեգրողներ, խնամակալներ) կողմից:
7. Թխուկներ և նմանատիպ տեխնոլոգիաներ
Մեր առցանց ռեսուրսում մենք օգտագործում ենք թխուկներ։ Այս տերմինի ներքո հասկացվում են ոչ միայն Ձեր սարքավորման վրա պահպանվող ավանդական փոքր տեքստային ֆայլերը, այլև այլ նմանատիպ տեխնոլոգիաներ, ներառյալ՝ փիքսելային տեխնոլոգիաները և մատյանների ֆայլերի վերլուծությունը։
7.1. Տեխնիկապես անհրաժեշտ թխուկներ։
Տեխնիկապես անհրաժեշտ են այն թխուկները, առանց որոնց հնարավոր չէ առցանց ռեսուրսի բնականոն գործունեությունը: Դրանք թույլ են տալիս վեբ-կայքին հիշել Ձեր կարգավորումները, ինչպիսիք են՝ լեզուն, տառատեսակի չափը և զննարկիչի (բրաուզերի) այլ ցուցանիշները: Տեխնիկապես անհրաժեշտ թխուկների միջոցով ստացվող անձնական տվյալները մշակվում են բացառապես Ձեզ լիարժեք գործող առցանց ռեսուրս տրամադրելու նպատակով: Յուրաքանչյուր տեխնիկապես անհրաժեշտ թխուկների մանրամասները հասանելի են հետևյալ հասցեով՝ https://www.peri.com.am/hy/policies/cookies.html
7.2. Ֆունկցիոնալ թխուկներ
Ֆունկցիոնալ թխուկները օգտագործվում են առցանց ռեսուրսից օգտվելու հարմարավետությունը բարձրացնելու և դրա վիճակագրական վերլուծության նպատակով: Դրանք ապահովում են արտաքին ծառայությունների ինտեգրումը (օրինակ՝ տեղորոշման, տեսանյութերի և հոսքային հեռարձակման ծառայություններ), բարելավում են կայքի միջերեսն (ինտերֆեյս) ու ֆունկցիոնալությունը, ինչպես նաև հիշում են Ձեր նախապատվությունները: Ֆունկցիոնալ թխուկների միջոցով ստացվող անձնական տվյալները մշակվում են Ձեր համաձայնության հիման վրա: Մանրամասները հասանելի են հետևյալ հասցեով՝ https://www.peri.com.am/hy/policies/cookies.html
7.3. Մարքեթինգային թխուկներ
Մարքեթինգային թխուկներն օգտագործվում են գովազդային նպատակներով և գովազդային նյութերը առանձին օգտատերերի հետաքրքրություններին ադապտացնելու համար: Դրանք թույլ են տալիս հետեւել և վերլուծել օգտատիրոջ վարքագիծը տարբեր վեբ-կայքերում՝ թիրախային գովազդ ցուցադրելու, գովազդային հայտարարությունների ցուցադրման հաճախականությունը սահմանափակելու և գովազդային արշավների արդյունավետությունը գնահատելու համար: Մարքեթինգային թխուկների միջոցով ստացվող անձնական տվյալները մշակվում են Ձեր համաձայնության հիման վրա: Մանրամասները հասանելի են հետևյալ հասցեով՝ https://www.peri.com.am/hy/policies/cookies.html
Դուք կարող եք ցանկացած պահի փոխել Ձեր որոշումը ոչ պարտադիր թխուկների վերաբերյալ՝ մեր կայքի բանների (ցանցային գովազդի) կամ թխուկների կարգավորումների միջոցով: Եթե ցանկանում եք անջատել բոլոր թխուկները, կարող եք դա անել Ձեր զննարկիչի կարգավորումներում:
8. Սոցիալական հավելումներ (փլագիններ) և սոցիալական ցանցեր
Մեր առցանց ռեսուրսը համալրված է տարբեր սոցիալական ցանցերի սոցիալական հավելումներով, ինչպիսիք են՝ սոցիալական ցանցերի պատկերակները և «Հավանել» կոճակները: Լռելյայն հավելումները ակտիվացված չեն և սկսում են աշխատել միայն այն բանից հետո, երբ Դուք ինքնուրույն ակտիվացնում եք դրանք, ինչն ապահովում է Ձեր լիարժեք վերահսկողությունը Ձեր տվյալների փոխանցման նկատմամբ:
Ակտիվացումից հետո հավելումները ապահովում են տվյալների փոխանցումը, որոնք կարող են ներառել տեղեկություններ Ձեր կողմից կայքի այցելության մասին, զննարկիչի վերաբերյալ և այլ տեխնիկական տեղեկություններ: Նմանատիպ տվյալների մշակումը կարող է իրականացվել նաև սոցիալական ցանցերում մեր օգտահաշիվների հետ Ձեր փոխգործակցության ընթացքում: Խնդրում ենք նկատի ունենալ, որ PERI-ն չի վերահսկում սոցիալական հավելումների աշխատանքի սկզբունքները, սոցիալական հարթակների կողմից տվյալների հավաքագրումը, ինչպես նաև այդ հարթակների կողմից նշված տվյալների հետագա մշակումն ու օգտագործումը։ Մանրամասն տեղեկությունների համար խորհուրդ ենք տալիս ծանոթանալ համապատասխան հարթակների գաղտնիության քաղաքականությանը.
Facebook (Meta): https://www.facebook.com/privacy/policy/
Instagram: https://privacycenter.instagram.com/policy
X (Twitter): https://twitter.com/en/privacy
YouTube: https://policies.google.com/privacy
9. Տվյալների փոխանցում երրորդ անձանց
Մենք կարող ենք անձնական տվյալները փոխանցել ստացողների հետևյալ կատեգորիաներին.
9.1. Ծառայություններ մատուցողներ (կապալառուներ)
Մեր անունից ծառայություններ մատուցող անձինք (ՏՏ աջակցություն, հաշվապահական սպասարկում, լոգիստիկա, մարդկային ռեսուրսների (HR) կառավարում, վճարային ծառայություններ, մարքեթինգային գործակալություններ, միջոցառումների կազմակերպիչներ): Նման անձինք Ձեր անձնական տվյալներին հասանելիություն են ստանում բացառապես այն ծավալով, որն անհրաժեշտ է մեր հանդեպ իրենց պարտավորությունների կատարման համար, գործում են պայմանագրի հիման վրա և պարտավոր են պահպանել գաղտնիությունը: Նրանք իրավունք չունեն Ձեր անձնական տվյալները մշակել այլ նպատակներով:
9.2. PERI խմբի ընկերություններ
Տվյալները կարող են փոխանցվել PERI խմբի այլ իրավաբանական անձանց՝ խմբի ներսում կառավարման, հաշվետվողականության և վարչարարության նպատակներով: Եթե Ձեր հարցման համաձայն պահանջվում է փոխազդեցություն տեղական մակարդակով, ապա Ձեր կոնտակտային և կորպորատիվ տվյալները կարող են տրամադրվել Ձեր երկրում գործող PERI խմբի համապատասխան ընկերությանը:
9.3. Պետական մարմիններ
Փոխանցումն իրականացվում է Հայաստանի Հանրապետության օրենսդրությամբ ուղղակիորեն նախատեսված դեպքերում (հարկային մարմիններ, սոցիալական ապահովագրության մարմիններ, դատարան, իրավապահ մարմիններ):
9.4. Այլ երրորդ անձինք
Այլ երրորդ անձանց փոխանցումն իրականացվում է միայն սուբյեկտի համաձայնության կամ այլ օրինական հիմքի առկայության դեպքում:
10. Անձնական տվյալների անդրսահմանային փոխանցում
Անձնական տվյալների անդրսահմանային փոխանցումն իրականացվում է Օրենքի 17-19-րդ հոդվածներին համապատասխան:
Ձեր անձնական տվյալները կարող են փոխանցվել Հայաստանի Հանրապետությունից դուրս, այդ թվում՝ Գերմանիայի Դաշնային Հանրապետություն՝ PERI խմբի գլխամասային ընկերության գտնվելու վայր:
10.1. Անդրսահմանային փոխանցման պայմանները
Անդրսահմանային փոխանցումը թույլատրվում է՝
Անձնական տվյալների սուբյեկտի համաձայնության առկայության դեպքում:
Երբ փոխանցումը բխում է մշակման նպատակներից կամ անհրաժեշտ է սուբյեկտի հետ պայմանագրի կատարման համար:
Երբ փոխանցումը նախատեսված է Հայաստանի Հանրապետության միջազգային պայմանագրով կամ օրենքով:
Գործակալության թույլտվություն չի պահանջվում, եթե ստացող երկիրն ապահովում է պաշտպանության համարժեք մակարդակ (որոշվում է Գործակալության կողմից հաստատված ցանկի կամ Հայաստանի Հանրապետության միջազգային պայմանագրերի հիման վրա):
10.2. Փոխանցում պաշտպանության համարժեք մակարդակ չապահովող երկրներին
Պաշտպանության համարժեք մակարդակ չապահովող երկրներին փոխանցումը թույլատրվում է բացառապես Գործակալության կողմից տրված թույլտվության հիման վրա, որը տրվում է փոխանցող և ընդունող կողմերի միջև կնքված երաշխիքային պայմանագրի հիման վրա: Նման փոխանցումն իրականացվում է գրավոր համաձայնագրի հիման վրա, որը սահմանում է մշակման իրավական հիմքերն ու նպատակները, փոխանցվող անձնական տվյալների կատեգորիաները, ստացողների շրջանակը, ինչպես նաև պաշտպանության տեխնիկական և կազմակերպչական միջոցները:
Անձնական տվյալների հատուկ կատեգորիաների համար կիրառվում են լրացուցիչ սահմանափակումներ:
11. Հատուկ և կենսաչափական անձնական տվյալներ
Սահմանումներ
Անձնական տվյալների հատուկ կատեգորիաներ՝ ռասայական կամ էթնիկ պատկանելությանը, քաղաքական հայացքներին, կրոնական կամ փիլիսոփայական համոզմունքներին, արհմիության անդամակցությանը, առողջական վիճակին, սեռական կյանքին վերաբերող տվյալներ:
Կենսաչափական անձնական տվյալներ՝ անձի յուրահատուկ կենսաբանական կամ ֆիզիոլոգիական բնութագրերի վերաբերյալ տվյալներ, որոնք թույլ են տալիս նրան միարժեքորեն նույնականացնել (մատնահետքեր, աչքի ծիածանաթաղանթի պատկեր, գենոմ և այլն):
Մշակման սահմանափակումներ
Տվյալների հատուկ կատեգորիաների մշակումն առանց սուբյեկտի համաձայնության արգելվում է, բացառությամբ օրենքով ուղղակիորեն նախատեսված դեպքերի:
Կենսաչափական տվյալների մշակումը թույլատրվում է միայն սուբյեկտի բացահայտ համաձայնության առկայության դեպքում և միայն այն դեպքերում, երբ օրինական նպատակը պահանջում է հենց այդպիսի մշակում:
Հատուկ և կենսաչափական տվյալների մշակումն սկսելուց առաջ մշակողը պարտավոր է ծանուցել Գործակալությանը:
PERI-ի դիրքորոշումը
Ընկերությունը Հայաստանում սովորական առևտրային գործունեության շրջանակներում չի իրականացնում հատուկ կատեգորիաների կամ կենսաչափական անձնական տվյալների մշակում, բացառությամբ օրենքով ուղղակիորեն նախատեսված դեպքերի (օրինակ՝ աշխատողների առողջության վերաբերյալ տվյալներ՝ գործատուի պարտավորությունների կատարման համար անհրաժեշտ ծավալով):
12. Անձնական տվյալների անվտանգություն
Օրենքի 21-րդ հոդվածի համաձայն՝ մշակողը պարտավոր է ապահովել.
Անձնական տվյալներին հասանելիության կանխում այն անձանց համար, որոնք չունեն համապատասխան իրավունքներ;
Այն, որ օրինական հասանելիություն ունեցող անձինք մշակեն միայն այն տվյալները, որոնց նկատմամբ տարածվում է իրենց լիազորությունները;
Աշխատողների կողմից անձնական տվյալների գաղտնիության պահպանումը՝ ինչպես աշխատանքային հարաբերությունների ընթացքում, այնպես էլ դրանց դադարեցումից հետո:
ՄԵՆՔ ԻՐԱԿԱՆԱՑՆՈՒՄ ԵՆՔ ԱՆՎՏԱՆԳՈՒԹՅԱՆ ՄԻՋՈՑԱՌՈՒՄՆԵՐԻ ՀԱՄԱԼԻՐ
Վարչական միջոցառումներ.
Անձնական տվյալների հասանելիության կարգի կանոնակարգում:
Պատասխանատու անձանց նշանակում:
Ներքին քաղաքականության և ընթացակարգերի մշակում:
Տեխնիկական միջոցառումներ.
Տվյալների պահպանման և փոխանցման ընթացքում դրանց ծածկագրում:
Հասանելիության կառավարման և իսկորոշման համակարգեր:
Հակավիրուսային պաշտպանություն և մշտադիտարկում (մոնիտորինգ):
Պահուստային պատճենում:
Պաշտպանված արձանագրում:
Ֆիզիկական միջոցառումներ.
Սերվերային տարածքներ ֆիզիկական մուտքի սահմանափակում:
Տեսահսկման և մուտքի վերահսկման համակարգեր:
Ուսուցում.
Անձնական տվյալներին հասանելիություն ունեցող բոլոր աշխատողները անցնում են պարբերական ուսուցում դրանց պաշտպանության հարցերի վերաբերյալ:
Մեր կողմից կիրառվող պաշտպանության միջոցները մշտապես կատարելագործվում են՝ հաշվի առնելով տեխնոլոգիաների զարգացումը։
13. Անձնական տվյալների պահպանման ժամկետները
Համաչափության սկզբունքին համապատասխան՝ մենք Ձեր անձնական տվյալները պահպանում ենք Ձեզ նույնականացնելու հնարավորություն տվող ձեւով ոչ ավելի երկար, քան դա անհրաժեշտ է սույն Ծանուցման մեջ նշված՝ դրանց մշակման նպատակներին հասնելու համար։ Մշակման նպատակներին հասնելուց հետո, ինչպես նաև Ձեր կողմից համաձայնությունը հետ կանչելու դեպքում՝ այլ իրավական հիմքի բացակայության պայմաններում, անձնական տվյալները ենթակա են ոչնչացման կամ ապանձնավորման։
Ավելի երկարատև պահպանումը թույլատրվում է բացառապես հետևյալ դեպքերում.
Հաշվապահական, հարկային և արխիվային օրենսդրության պահանջների կատարում։
Ընկերության իրավունքների և օրինական շահերի պաշտպանություն դատական կամ վարչական վարույթներում (հայցային վաղեմության ժամկետների սահմաններում)։
Որոշակի ժամկետով տվյալների պահպանման վերաբերյալ օրենքի ուղղակի պահանջի առկայությունը։
Համաձայնության հիման վրա մշակվող անձնական տվյալները մշակվում են համապատասխան ձեւում նշված համաձայնության գործողության ժամկետի ընթացքում։ Թխուկների պահպանման ժամկետների մասին տեղեկությունները ներկայացված են 7-րդ բաժնում։ Սոցիալական ցանցերում հրապարակումներն ու փոխգործակցությունը մշակվում են նաև 8-րդ բաժնում նշված համապատասխան սոցիալական հարթակների պայմաններին համաձայն։
14. Անձնական տվյալների սուբյեկտների իրավունքները և դրանց իրականացման կարգը
Օրենքով նախատեսված իրավունքներ
Օրենքին համապատասխան՝ Դուք ունեք հետևյալ իրավունքները.
Տեղեկատվություն ստանալու իրավունք․ Դուք իրավունք ունեք տեղեկանալու, թե Ձեր որ անձնական տվյալներ են մշակվում, ինչ նպատակով և ում են դրանք փոխանցվել:
Հասանելիության իրավունք․ Դուք իրավունք ունեք ծանոթանալու Ձեր վերաբերյալ մշակվող անձնական տվյալներին:
Ուղղման իրավունք․ Դուք իրավունք ունեք պահանջելու սխալ կամ թերի տվյալների ուղղում:
Ոչնչացման / արգելափակման իրավունք․ Դուք իրավունք ունեք պահանջելու ոչնչացնել կամ արգելափակել այն տվյալները, որոնց մշակումն իրականացվում է օրենքի խախտմամբ:
Մշակման դադարեցման իրավունք․ Դուք իրավունք ունեք պահանջելու դադարեցնել Ձեր տվյալների մշակումը:
Համաձայնությունը հետ կանչելու իրավունք․ Դուք իրավունք ունեք ցանկացած պահի հետ կանչելու նախկինում տրված համաձայնությունը: Համաձայնության հետկանչումը չի անդրադառնում մինչ այդ իրականացված տվյալների մշակման օրինականության վրա:
Բողոքարկման իրավունք․ Դուք իրավունք ունեք բողոք ներկայացնելու Անձնական տվյալների պաշտպանության գործակալություն կամ դատարան:
Կամավոր պարտավորություններ (օրենքի պահանջներից զատ)
Տվյալների տեղափոխելիության իրավունք․ Ձեր պահանջով մենք կտրամադրենք Ձեր տվյալները կառուցվածքային, մեքենայաընթեռնելի ձևաչափով:
Մշակման սահմանափակման իրավունք․ Դուք իրավունք ունեք պահանջելու տվյալների մշակման ժամանակավոր սահմանափակում՝ տվյալների ճշգրտության կամ մշակման օրինականության վիճարկման պարագայում:
Բացառապես ավտոմատացված մշակման վրա հիմնված որոշումների չենթարկվելու իրավունք․ Դուք իրավունք ունեք պահանջելու, որպեսզի բացառապես ավտոմատացված միջոցներով կայացված որոշումները վերանայվեն անձի կողմից:
Ձեր իրավունքներն ի կատար ածելու համար կարող եք կապ հաստատել սույն Ծանուցման 1-ին բաժնում նշված կոնտակտային տվյալներով: Մենք քննության ենք առնում դիմումները Հայաստանի Հանրապետության օրենսդրությամբ սահմանված ժամկետներում:
15. Գործակալության Ծանուցում
Օրենքի 26-րդ հոդվածի համաձայն՝ տվյալներ մշակողն իրավասու է ծանուցելու Գործակալությանը մինչև անձնական տվյալների մշակումն սկսելը: Նման ծանուցումը կամավոր է ընդհանուր մշակման համար, սակայն պարտադիր է հետևյալ դեպքերում.
Անձնական տվյալների հատուկ կատեգորիաների մշակում:
Կենսաչափական անձնական տվյալների մշակում:
16. Սույն Քաղաքականության փոփոխությունները
Մենք մեզ իրավունք ենք վերապահում փոփոխություններ կատարել սույն Գաղտնիության քաղաքականության մեջ՝ այն օրենսդրության փոփոխություններին, տվյալների մշակման փորձի զարգացմանը կամ մեր գործունեության փոփոխություններին համապատասխանեցնելու նպատակով: Ձեր անձնական տվյալների մշակման վրա էական ազդեցություն ունեցող փոփոխությունների մասին մենք Ձեզ կտեղեկացնենք անհատական ծանուցման միջոցով կամ սույն վեբ-կայքում Ծանուցման թարմացված տարբերակը տեղադրելու եղանակով:
Քաղաքականության արդիական տարբերակը հրապարակվում է մեր վեբ-կայքում: Նախորդ տարբերակները տրամադրվում են 1-ին բաժնում նշված կոնտակտային տվյալներով ուղարկված հարցման հիման վրա:
Վերջին թարմացման ամսաթիվը՝ 21.10.2026